ព្រះសីហនុ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានសំដែងការអបអរសាទរជូនចំពោះកីឡាករកម្ពុជាដែលបានទទួលជ័យជំនះក្នុងការប្រកួតបាល់ទាត់លើកីឡាករទីម័រកាលពីយប់ថ្ងៃទី២៩ ខែមេសា ឆ្នាំ២០២៣។
សម្ដេចតេជោបានសរសេរនៅលើ facebook page របស់សម្ដេចយ៉ាងដូច្នេះថា៖ «សូមអបអរសាទរ និងកោតសរសើរចំពោះកីឡាករកម្ពុជា ដែលទទួលបានជ័យជំនះ ក្នុងការប្រកួតបាល់ទាត់នៃព្រឹត្តិការណ៍ស៊ីហ្គេម ២០២៣ កីឡាបាល់ទាត់ (បុរសពូល A) នារាត្រីថ្ងៃទី២៩ ខែមេសា ឆ្នាំ២០២៣ រវាង កម្ពុជា និងទីម័រខាងកើត ក្នុងលទ្ធផល (CAM 4-0 TLS) ដែលទើបបានប្រកួតចប់នៅវិមានពហុកីឡដ្ឋានជាតិអូឡាំពិក មុននេះបន្តិច»។
សម្ដេចបានជូនពរក្រុមកីឡាករកម្ពុជាឲ្យទទួលបានជោគជ័យក្នុងការប្រកួតជាបន្តទៀត។
គួរឱ្យដឹងផងដែរថាក្នុងការប្រកួតបាល់ទាត់រវាងកីឡាករកម្ពុជាជាមួយនឹងកីឡាករប្រទេសទីម័រខាងកើត កាលពីយប់ថ្ងៃទី២៩ ខែមេសា កីឡាករកម្ពុជាបានទទួលជ័យជំនះទៅលើទីម័រក្នុងលទ្ធផល ៤ទល់នឹង០៕
